నాటు సారా, నల్లబెల్లం పట్టివేత..

స్పాట్ వాయిస్ నర్సంపేట, (ఖానాపూర్): నర్సంపేట ఎక్సైజ్ పోలీసులు గురువారం నాటుసారా, సారా తయారీకి ఉపయోగించే నల్ల బెల్లం, పటిక విక్రయిస్తున్న వ్యక్తులను పట్టుకున్నారు. నర్సంపేట ఎక్సైజ్ సీఐ రాజ సమ్మయ్య తెలిపిన వివరాల ప్రకారం.. ఖానాపూర్ మండలంలోని అశోక్ నగర్ లో తనిఖీలు నిర్వహించగా గ్రామానికి చెందిన తక్కెళ్ళపల్లి లక్ష్మి వద్ద 10లీటర్ల నాటు సారా,10కేజీల పటికను స్వాధీనం చేసుకున్నామన్నారు. ఆమెను విచారించగా బెల్లం, పట్టిక ఖానాపురం మండల కేంద్రానికి చెందిన మచ్చిక అశోక్ విక్రయించినట్లు తెలిపిందన్నారు. దీంతో వారు ఖానాపురంలోని మచ్చిక అశోక్ ఇంటి వద్ద తనిఖీలు నిర్వహించగా సుమారు 300కిలోల నాటుసారా తయారీకి వినియోగించే నల్లబెల్లం దొరికిందన్నారు. అనంతరం అశోక్ ను విచారించగా బెల్లం, పట్టిక తనకు నాజీ తండాకు చెందిన గుగులోతు బాలు ఇచ్చినట్లు తెలిపాడన్నారు. దీంతో లక్ష్మి, అశోక్, బాలుపై కేసు నమోదు చేశారం. 300కిలోల బెల్లం,10కిలోల పటిక,10లీటర్ల నాటుసారాను స్వాధీనం చేసుకున్నట్లు సీఐ తెలిపారు. ఈ దాడుల్లో ఎక్సైజ్ ఎస్సైలు రాజేశ్వరి, రాధాకృష్ణ, సిబ్బంది సదానందం, స్వర్ణ, వాజీద్ తదితరులు పాల్గొన్నారు.