గ్రూప్‌-1 ప్రిలిమినరీ ఫలితాలు వెల్లడి..

గ్రూప్‌-1 ప్రిలిమినరీ ఫలితాలు వెల్లడి..

స్పాట్ వాయిస్,హైదరాబాద్ :  గ్రూప్-1 ప్రిలిమినరీ ఫలితాలను టీఎస్‌పీఎస్సీ ప్రకటించింది. జూన్‌లో మెయిన్‌ పరీక్ష నిర్వహించనున్నట్టు వెల్లడించింది. మొత్తం 25,050మంది మెయిన్‌కు అర్హత సాధించారు. తొలుత 1:50 నిష్పత్తిలో మెయిన్‌ పరీక్షకు ఎంపిక చేస్తామని టీఎస్‌పీఎస్సీ ప్రకటించింది. 503 ఉద్యోగాలకు ఒక్కో పోస్టుకు 50 మంది చొప్పున ఎంపిక చేస్తే.. 25,150 మంది మెయిన్‌కు అర్హత సాధించాలి. అయితే మల్టీజోన్‌-2లో మహిళల కేటగిరీలో దృష్టిలోపం, జనరల్‌ కేటగిరీలో వినికిడిలోపం ఉన్న అభ్యర్థులు 111 మంది తక్కువగా ఉన్నారు. ఇవన్నీ పరిగణనలోకి తీసుకున్న కమిషన్‌ మెయిన్‌కు 25,050 మందిని ఎంపిక చేసింది.