గ్రూపు-1 ప్రిలిమినరీ ఎప్పుడంటే..

నేడే దరఖాస్తుకు లాస్ట్
స్పాట్ వాయిస్, ఎడ్యుకేషన్: గ్రూప్‌-1కు నిరుద్యోగ అభ్యర్థులు రికార్డు స్థాయిలో దరఖాస్తు చేసుకుంటున్నారు. మొత్తం 503 పోస్టులతో గ్రూప్‌-1 ప్రకటన రాగా.. సోమవారం రాత్రి 10 గంటల వరకు 2,94,644 దరఖాస్తులు వచ్చాయి. మంగళవారం చివరి రోజు కావడంతో వీటి సంఖ్య 3 లక్షలు దాటే అవకాశం ఉందని టీఎస్‌పీఎస్సీ వర్గాలు అంచనా వేస్తున్నాయి. ఇదిలా ఉంటే రోజు 10వేల దరఖాస్తుల వరకు రాగా.. సోమవారం ఒక్కరోజు 32 వేలు వచ్చాయి. మంగళవారం చివరిరోజు కావడంతో భారీగా వస్తాయని అంచనా వేస్తున్నారు. ఇక గ్రూప్‌-1 ప్రిలిమినరీ పరీక్షను జూన్‌ చివరి వారం లేదా ఆగస్టులో నిర్వహించే అవకాశాలు ఉన్నాయని, ఈ మేరకు ప్రాథమికంగా టీఎస్‌పీఎస్సీ ప్రకటనలో పేర్కొంది. అయితే గ్రూప్‌-1కు సన్నద్ధం అయ్యేందుకు కనీసం మూడు నెలల సమయం కావాలని కోరుతున్నారు. ఈ నేపథ్యంలో ప్రిలిమినరీ పరీక్ష గడువు విజ్ఞప్తులను టీఎస్‌పీఎస్సీ పరిశీలిస్తోంది.