ఎస్సీలకు గుడ్ న్యూస్..

శిక్షణ ఫ్రీ..ఫ్రీ
33 జిల్లాల్లో కోచింగ్ సెంటర్లు
స్పాట్ వాయిస్, ఎడ్యుకేషన్: టీఎస్‌పీఎస్సీ నిర్వహించే గ్రూప్ 1, 2, 3, 4 ఉద్యోగాల‌కు ప్రిపేర్ అయ్యే ఎస్సీ విద్యార్థుల‌కు ఎస్సీ అభివృద్ధి శాఖ గుడ్ న్యూస్ చెప్పింది. ఎస్సీ ఉద్యోగార్థుల కోసం 33 జిల్లాల్లో ఉచిత కోచింగ్ అందించ‌నున్నట్లు ప్రక‌టించింది. ఒక్కో జిల్లా కేంద్రంలోని స్టడీ సెంట‌ర్లలో 75 నుంచి 150 మందికి ఉచితంగా కోచింగ్ అందించనున్నారు. డిగ్రీ ఉత్తీర్ణులై ఉండి, కుటుంబ వార్షిక ఆదాయం రూ. 3 ల‌క్షల లోపు ఉంటే ఈ అవకాశాన్ని పొందవచ్చు. ఈనెల 9వ తేదీ నుంచి 18వ తేదీ వ‌ర‌కు ఆన్‌లైన్‌లో వివ‌రాల‌ను న‌మోదు చేసుకోవ‌చ్చు. డిగ్రీ మార్కుల ఆధారంగా 19వ తేదీన మెరిట్ జాబితాను రూపొందించి, 20న విడుద‌ల చేయ‌నున్నారు. ఎంపికైన అభ్యర్థుల మొబైల్ ఫోన్లకు మేసేజ్‌లు పంప‌నున్నారు. 22న స‌ర్టిఫికెట్లను ప‌రిశీలించి, 25 నుంచి ఉచిత కోచింగ్‌ను ప్రారంభించ‌నున్నారు.
రోజుకు రూ. 75  
ఫ్రీ కోచింగ్ ఒక‌టిన్నర నెల‌ల నుంచి రెండు నెల‌ల వరకు కొన‌సాగ‌నుంది. కోచింగ్‌కు ఎంపికైన అభ్యర్థుల‌కు ప్రతి రోజు రూ. 75 చొప్పున‌(లంచ్, టీ కోసం) చెల్లించ‌నున్నారు. దీంతో పాటు రూ. 1500 విలువ చేసే మెటిరీయ‌ల్‌ను సైతం అందించ‌నున్నారు. రిజిస్ట్రేష‌న్ కోసం http://tsstudycircle.co.in అనే వెబ్‌సైట్‌లో సంప్రదించవచ్చు.