నిరుద్యోగులకు గుడ్ న్యూస్

10వేల ఉద్యోగాల భర్తీకి గ్రీన్ సిగ్నల్

స్పాట్ వాయిస్, ఎడ్యుకేషన్: నిరుద్యోగులకు రాష్ట్ర ప్రభుత్వం మరో గుడ్​న్యూస్​ చెప్పింది. 10 వేల ఉద్యోగాల భర్తీకి ఒకే చెప్పింది. 10,105 ఉద్యోగాల భర్తీకి అనుమతిస్తూ ఆర్థికశాఖ ఉత్తర్వులు జారీ చేసింది. ఇందులో గురుకులాలకు సంబంధించిన 9,096 పోస్టులున్నాయి. మైనార్టీ గురుకుల విద్యాలయాల సంస్థలో 1,445, బీసీ గురుకుల విద్యాలయాల సంస్థలో 3,870 ఉద్యోగాలున్నాయి. గిరిజన గురుకుల విద్యాలయాల సంస్థలో 1,514, ఎస్సీ గురుకుల విద్యాలయాల సంస్థ పరిధిలో 2,267 ఉద్యోగాలు ఉన్నాయి. ఈ పోస్టులన్నింటినీ గురుకుల విద్యాలయాల నియామక బోర్డు ద్వారా భర్తీ చేయనున్నారు. ఎస్సీ అభివృద్ధి శాఖలో 316, మహిళా-శిశు సంక్షేమ శాఖలో 251, బీసీ సంక్షేమ శాఖలో 157, గిరిజన సంక్షేమ శాఖలో 78, దివ్యాంగ శాఖలో 71, జువైనల్ వెల్ఫేర్​లో 66 సహా ఇతర 9,95 ఉద్యోగాలను టీఎస్పీఎస్సీ ద్వారా భర్తీ చేయనున్నారు. మహిళా-శిశు సంక్షేమ శాఖలో జిల్లా ఎంపిక కమిటీ ద్వారా మరో 14 ఉద్యోగాలను భర్తీ చేయనున్నారు. తాజా అనుమతితో రాష్ట్రంలో ఇప్పటి వరకు 45,325 ఉద్యోగాల భర్తీకి అనుమతి ఇచ్చినట్లైంది.