ఖానాపురం లో గంజాయి పట్టివేత..

ఖానాపురం లో గంజాయి పట్టివేత..

ఇద్దరు వ్యక్తులను అదుపులోకి తీసుకున్న పోలీసులు

 అశోక్ నగర్ లో ఘటన 

స్పాట్ వాయిస్ నర్సంపేట, (ఖానాపురం ): ఖానాపురం మండలం అశోక్ నగర్ లో శనివారం పోలీసులు ఎండు గంజాయిని తరలిస్తున్న ఇద్దరు వ్యక్తులను అదుపులోకి తీసుకుని రెండు కిలోల ఎండు గంజాయి ని స్వాధీనం చేసుకున్నారు. స్థానిక ఎస్సై పిట్టల తిరుపతి తెలిపిన కథనం ప్రకారం మండలం లోని అశోక్ నగర్ ఏరియాలో శనివారం పెట్రోలింగ్ చేస్తుండగా ఇద్దరు వ్యక్తులు స్కూటీతో అనుమానాస్పదంగా కనబడ్డారు. పోలీసులను చూసి పారిపోతుండగా వారిని వెంబడించి పట్టుకొని విచారించగా స్కూటీలో రెండు కిలోల గంజాయి ఉందని, అశోక్ నగర్ లో ఒక గుర్తు తెలియని వ్యక్తికి అమ్మడానికి వచ్చామని తెలిపారు. వెంటనే వారిని అదుపులోకి తీసుకుని

రెండు కిలోల గంజాయిని, వారు గంజాయి రవాణా కు ఉపయోగించిన స్కూటీని, రెండు సెల్ ఫోన్ లని సీజ్ చేసి కేసు నమోదు చేయడమైనదన్నారు. అదుపులోకి తీసుకున్న వారిలో ములుగు మండలం, కన్నాయిగూడెం కు చెందిన జంగిలి రమేష్, ఖైరతాబాద్ లో నివాసముండే బీహార్ కి చెందిన ప్రణవ్ కుమార్ ప్రవీణ్ లు ఉన్నారు. సులువుగా డబ్బులు సంపాదించాలనే ఉద్దేశంతో గంజాయి అమ్ముతున్న వారిని డిప్యూటీ తహసీల్దార్ ఆధ్వర్యంలో పంచనామా నిర్వహించి అరెస్ట్ చేసినట్లు ఎస్సై తిరుపతి తెలిపారు.