మట్టి గణపతినే పూజిద్దాం..

మట్టి గణపయ్యలనే పూజిద్దాం
బీజేపీ నేత గంట రవికుమార్

స్పాట్ వాయిస్ , వరంగల్:  హిందూ పండుగలు అంటేనే ప్రకృ తిని ఆరాధించడం.. ఇందులో ప్రధానమైనది వినాయక చవితి పర్వదినం.. అందుకే ప్రతీ ఒక్కరూ మట్టి గణపయ్యలనే పూజించాలని వరంగల్జే తూర్పు నేత, సత్యం సంస్థల అధినేత గంట రవికుమార్ పిలుపునిచ్చారు. బుధవారం వినాయక చవితి పర్వదినం పురస్కరించుకుని వరంగల్ నగరం లోని హెడ్ పోస్ట్ ఆఫీస్ సెంటర్, పోచమ్మ మైదాన్, గోపాల స్వామి గుడి ప్రాంతాల్లో వెయ్యి మట్టి గణపతి విగ్రహాలను ఉచితంగా పంపిణీ చేశారు.

ఈ సందర్భంగా గంట రవికుమార్ మాట్లాడుతూ.. పర్యావరణానికి హాని కలిగించకుండా సహజ సిద్ధమైన గణనాథులను పూజించాలని అన్నారు. విఘ్నాలను తొలగించి ఆ ఆది దేవుడు ప్రజలందరికీ సకల శుభాలను కలిగించాలని ఆకాంక్షించారు. నవరాత్రులు భక్తి శ్రద్ధలలో పూజిస్తే కోరిన కోర్కెలు నెరవేరుతాయని అన్నారు. ఈ సందర్భంగా ప్రజలకు వినాయక చవితి శుభాకాంక్షలు తెలిపారు.