చెరువులో పడి మతిస్థిమితం కోల్పోయిన మహిళ మృతి..

చెరువులో పడి మతిస్థిమితం కోల్పోయిన మహిళ మృతి

స్పాట్ వాయిస్, గణపురం:జయశంకర్ భూపాలపల్లి జిల్లా గణపురం పోలీస్టేషన్‌ పరిధిలోని గణపసముద్రం చెరువులో మతి స్థిమితం కోల్పోయిన ఓ మహిళ నీట మునిగి మృతిచెందింది. ఈ ఘటన బుధవారం మండల కేంద్రంలో చోటు చేసుకుంది. స్థానికులు తెలిపిన వివరాల ప్రకారం.. మండల కేంద్రానికి చెందిన మామిండ్ల లీల (56) మృతదేహం బధవారం స్థానిక గణప సముద్రం చెరువులో తేలియాడుతుండటంతో స్థానికులు పోలీసులకు సమాచారం ఇచ్చారు. వెంటనే ఘటనాస్థలానికి చేరుకున్న పోలీసులు మృతదేహాన్ని చెరువులో నుంచి బయటకు తీయించారు. విచారణ చేపట్టగా మృతురాలు కొద్ది రోజులుగా మతిస్థిమితం కోల్పోగా ..చికిత్స పొందుతున్నట్లు తెలిసింది. కేసు నమోదు చేసుకున్న పోలీసులు మృత దేహాన్ని పోస్టు మార్టం నిమితం మార్చురీకి తరలించారు.