బోయిని సాంబయ్యకు భారతీయ సేవ రత్న పురస్కారం

బోయిని సాంబయ్యకు భారతీయ సేవ రత్న పురస్కారం
తిరుపతిలో ప్రదానం
స్పాట్ వాయిస్, గణపురం: సామాజిక సేవా కార్యక్రమాల్లో ముందుంటూ  అందరికీ స్ఫూర్తిగా నిలుస్తున్న జయశంకర్ భూపాలపల్లి జిల్లా గణపురం మండల కేంద్రానికి చెందిన సామాజిక వేత్త బోయిని సాంబయ్య ముదిరాజ్ భారతీయ సేవ రత్న పురస్కారం అందుకున్నారు. బహుజన సాహిత్య అకాడమీ ఆధ్వర్యంలో వివిధ రాష్ట్రాలలో ఎస్సీ, ఎస్టీ, బీసీ మైనార్టీల సాహిత్యాన్ని ముందుకు తీసుకోకపోవడంతో పాటు వివిధ రంగాల్లో సేవలు అందించిన 600 మంది డెలిగేట్స్ కు ఆంధ్రప్రదేశ్ రాష్ట్రంలోని తిరుపతి పట్టణంలో ఆదివారం నిర్వహించిన అవార్డులు ప్రదానం చేశారు. ఈ కార్యక్రమంలో సౌత్ ఇండియా బహుజన రైటర్స్ 5వ నేషనల్ కాన్ఫరెన్స్ లో అకాడమీ జాతీయ అధ్యక్షుడు నల్లా రాధాకృష్ణ, ప్రధాన కార్యదర్శి డాక్టర్ సుబ్రహ్మణ్యన్ భారతీయ సేవ రత్న పురస్కారాన్ని సాంబయ్య ముదిరాజ్ కు ప్రదానం చేశారు. ఈ సందర్భంగా సాంబయ్య ముదిరాజ్ మాట్లాడుతూ.. ఈ పురస్కారం తన  బాధ్యతను మరింత పెంచిందని అన్నారు. సాంబయ్య ముదిరాజ్ కు భారతీయ సేవ రత్న పురస్కారం రావడంపై గణపురం గ్రామ సర్పంచ్ నారగాని దేవేందర్ గౌడ్, పీఏసీఎస్ చైర్మన్ పోరెడ్డి పూర్ణ చంద్రరెడ్డి, టీఆర్ఎస్ మండల, గ్రామ శాఖ అధ్యక్షుడు పొలసాని లక్ష్మీ నరసింహారావు, గుర్రం తిరుపతి, ఉప సర్పంచ్ పోతర్ల అశోక్ యాదవ్, పలువురు హర్షం వ్యక్తం చేశారు.