చేపల లారీ బోల్తా.. అరగంటలో ఖాళీ

స్పాట్ వాయిస్, కొత్తగూడెం: భద్రాద్రి కొత్తగూడెం జిల్లా బూర్గంపాడు మండలంలోని ఐటీసీ క్రాస్ రోడ్ వద్ద మంగళవారం తెల్లవారుజామున చేపల లోడుతో వెళ్తున్న లారీ అదుపు తప్పి బోల్తాపడింది, ఏపీ నుంచి నాగపూర్ వైపు వెళ్తుండగా ఈ ఘటన చోటుచేసుకుంది. విషయం తెలుసుకున్న స్థానికులు.. చేపల కోసం ఎగబడ్డారు. చుట్టు ప్రక్కల ప్రాంతాలతో పాటు..రోడ్డుపై వెళ్తున్న వారు..వాహనాలు ఆపిమరీ చేపల పట్టుకునేందుకు పోటీ పడ్డారు. ఒకరినొకరు నెట్టుకొంటూ చేపల కోసం పరుగులు తీశారు. లారీలో ఉన్న సుమారు 4000 చేపలను ఆ దారిలో వెళ్లే జనం అరగంటలో ఖాళీ చేశారు. పోలీసులు వారిస్తున్నా వినకుండా వారినీ నెట్టివేసి చేపలను తీసుకెళ్లారు. సంచులు, ప్లాస్టిక్ బ్యాగుల్లో వేసుకున్నారు.