ఇళ్లలో మంటలు..

ఆకస్మాత్తుగా చెలరేగుతున్న నిప్పు..
నాలుగు రోజులుగా ఇదే కథ..
భయాందోళనలో గ్రామస్తులు
మల్హర్ మండల కేంద్రం తాడిచెర్ల లో ఘటన
స్పాట్ వాయిస్, మల్హర్: జయశంకర్ భూపాలపల్లి జిల్లా మల్హర్ మండల కేంద్రంలో వింత ఘటన చోటు చేసుకుంది. వివరాల్లోకి వెళ్తే.. మండలంలోని తాడిచెర్ల గ్రామానికి చెందిన మందపెల్లి పోచయ్య ఇంట్లో నాలుగు రోజులుగా అకస్మాత్తుగా మంటలు చెలరేగుతున్నాయి. గత శనివారం నుంచి మంగవారం వరకు ప్రతి రోజూ ఉదయం 8 గంటల ప్రాంతంలో మంటలు ఎగిసిపడుతున్నాయి. దీంతో ఇంట్లో వస్తువులు కాలిపోతున్నాయని బాధిత కుటుంబం తెలిపింది. మంటల అకస్మాత్తుగా వస్తుండటంతో బాధితులు భయాందోళన కు గురవుతున్నారు. ఈ విషయం తెలుసుకున్న రెవెన్యూ సిబ్బంది సంఘటన స్థలానికి చేరుకొని వివరాలు సేకరించారు. మంటలు చెలరేగడానికి భూ గర్భ గ్యాస్ లీకేజా.., లేక మరేదైనా కారణమా తెలియాల్సి ఉంది. ఆకస్మాత్తుగా మంటలు చెలరేగుతున్నాయనే వార్త దావనంలా వ్యాపించడంతో తాడిచెర్ల గ్రామ ప్రజలు ఆందోళన వ్యక్తం చేస్తున్నారు. అధికారులు స్పందించి మంటలకు గల కారణాలు తెలుసుకోవాలని గ్రామస్తులు కోరుతున్నారు.