భూపాలపల్లి జిల్లాలో ఘోర రోడ్డు ప్రమాదం

అక్కడిక్కడే ఒకరి మృతి
స్పాట్ వాయిస్, గణపురం: జయశంకర్ భూపాలపల్లిలో విషాదం నెలకొంది. గణపురం మండలం బుర్రకాయల గూడెం శివారులో శుక్రవారం రాత్రి రోడ్డు ప్రమాదం జరిగింది. ఈ ప్రమాదంలో ద్విచక్ర వాహన దారుడు నడికూడ మండలం రాపార్తి గ్రామానికి చెందిన బైరి విజేందర్ (38) అక్కడికక్కడే మృతి చెందాడు. ములుగు జిల్లా వెంకటాపురం మండలంలోని శాతరాజు పల్లిలోని బంధువు మృతి చెందగా అంత్యక్రియలకు వెళ్లి తిరిగి వస్తుండగా.. బుర్రకాయల గూడెం గ్రామ సమీపంలో గుర్తు తెలియని వాహనం ఢీకొంది. ఈ ప్రమాదంలో విజేందర్ అక్కడికక్కడే మృతి చెందాడు.  పోలీసులు ఘటన స్థలానికి చేరుకొని వివరాలు ఆరా తీస్తున్నారు.