పోలీసుల అదుపులో నకిలీలు..

స్పాట్ వాయిస్, కేసముద్రం: మానుకోట పోలీసులు నకిలీల ఆట కట్టించారు. ఈ సందర్భంగా పలువురిపై కేసు నమోదు చేశారు. వివరాలిలా ఉన్నాయి.. మహబూబాబాద్ జిల్లా గూడూరు మండలం లోని ప్రధాన రహదారిపై పోలీసులమంటూ హల్ చల్ చేయడాన్ని పలువురు గమనించారు. వారి వ్యవహారంపై అనుమానం కలుగడం, మద్యం మత్తులో రోడ్డుపై జబర్దస్త్ చేస్తూ ఫైన్లు కట్టాలని ఒత్తిడి చేయడంపై కొందరు వాహనదారులు నిలదీశారు. ఈ మేరకు పలువురి నుంచి సమాచారం తెలుసుకున్న మహబూబాబాద్ అడిషనల్ ఎస్పీ యోగేష్ గౌతమ్ ఆదేశాల మేరకు స్పెషల్ టీమ్స్ వారిని వెతికే పనిలో పడింది. ఈ క్రమంలోనే వారిని హైదరాబాద్ లో గుర్తించి అదుపులోకి తీసుకున్నారు. ఈ మేరకు వారిని బదావత్ వెంకన్న, బదావత్ రాజు, బానోత్ వెంకన్న గా గుర్తించినట్టు గూడూరు ఎస్సై దిలీప్ తెలిపారు.