కోతుల కోసం విద్యుత్ కంచె.. బలైన బాలుడు

కరెంట్ తీగ తగిలి 15 ఏళ్ల బాలుడు మృతి
కేసముద్రం మండలం మర్రితండాలో ఘటన
మృతదేహంతో కుటుంబ సభ్యుల ఆందోళన
స్పాట్ వాయిస్, కేసముద్రం: మహబూబాబాద్ జిల్లాలో విషాదం నెలకొంది. కోతుల కోసం వేసిన కంచెం బాలుడి ప్రాణం తీసింది. వివరాల్లోకి వెళ్తే కేసముద్రం మండలంలోని మర్రితండాలో ఓ రైతు తన పొలాన్ని కోతుల నుంచి కాపాడుకునేందుకు విద్యుత్ తీగలతో కంచె ఏర్పాటు చేశాడు. సోమవారం ప్రమాదవశాత్తు ఈ తీగలు తగిలి బాలుడు జీవన్(15) మృతి చెందాడు. దీంతో బాలుడి మృతదేహంతో కుటుంబ సభ్యులు పెనుగొండ చెరువు ముందు తండాలోని పొలం యజమాని ఇంటి ఎదుట ఆందోళన చేపట్టారు. కేసముద్రం పోలీసులు సంఘటన స్థలానికి చేరుకుని కేసు దర్యాప్తు చేస్తున్నారు.