పాపన్న ఆశయ సాధనకు కృషి చేయాలి

పల్లారుగుడాలో ఘనంగా సర్దార్ సర్వాయి పాపన్న గౌడ్ జయంతి
స్పాట్ వాయిస్, సంగెం: మండలంలోని పల్లారుగుడా గ్రామ పంచాయతీ కార్యాలయ ఆవరణలో సర్దార్ సర్వాయి పాపన్న గౌడ్ జయంతి వేడుకలను శుక్రవారం సర్పంచ్ కక్కేర్ల కుమారస్వామి ఆధ్వర్యంలో ఘనంగా నిర్వహించారు. ఈ సందర్భంగా సర్పంచ్ కుమారస్వామి మాట్లాడుతూ.. ఔరంగజేబును ఓడించి గోల్కొండ కోటను జయించిన ధీరుడు సర్దార్‌ సర్వాయి పాపన్నగౌడ్‌ అని అన్నారు.పేదల పాలిట పెన్నిధి సర్దార్ సర్వాయి పాపన్న చరిత్రను స్మరించుకుంటూ గౌడ సమాజ ప్రతినిధులు ఆయన ఆశయాల సాధనకు కృషి చేయాలన్నారు. ఈ కార్యక్రమంలో గౌడ సంఘం అధ్యక్షుడు కక్కేర్ల కుమారస్వామి, ఉపాధ్యక్షులు బొమ్మ దామోదర్, మాజీ అధ్యక్షుడు బొమ్మ కోటేశం, పాలకవర్గ సభ్యులు కృష్ణ, నిరంజన్, సాంబయ్య, చిరంజీవి, శివప్రసాద్, రాములు,గ్రామ పంచాయతీ కార్యదర్శి అజయ్ తదితరులు పాల్గొన్నారు.