ముగిసిన ఈడీ విచారణ…

ఫ్లాష్.. ఫ్లాష్..
ఈడీ ఆఫీసు నుంచి బయటికొచ్చిన కవిత
8గంటలకు పైగా విచారణ
మార్మోగిన జై తెలంగాణ నినాదాలు
స్పాట్ వాయిస్, బ్యూరో: బీఆర్ఎస్ ఎమ్మెల్సీ కల్వకుంట్ల కవిత ఈడీ విచారణ ఉదయం11 గంటల నుంచి రాత్రి 8 గంటల వరకూ కొనసాగింది. సాయంత్రం 5.30 గంటలకే విచారణ ముగియాల్సి ఉండగా.. అనూహ్యంగా అధికారులు ఆ సమయాన్ని పెంచారు. అయితే.. ఈడీ ఆఫీసు దగ్గర పోలీసులు హై అలర్ట్ ప్రకటించారు. మీడియా, బీఆర్ఎస్ కేడర్‌ను ఈడీ కార్యాలయం పరిసర ప్రాంతాల్లో లేకుండా పోలీసులు దూరంగా పంపారు. రూల్ ప్రకారం మహిళలను సాయంత్రం 6 వరకు మాత్రమే విచారించాల్సి ఉన్నా, సమయం దాటినా కవితను ఈడీ బయటకు పంపలేదు. 8గంటలకు బయటికి రాగా.. బీఆర్ఎస్ శ్రేణులు ఊపిరి పీల్చుకున్నారు. అయితే కేసులో విచారణ ఇంకా ముగియలేదని.. మార్చి 16వ తేదీన కవితను మళ్లీ విచారించనున్నట్లు తెలిపారు.