భద్రాద్రి జిల్లాలో భూ ప్రకంపనలు

స్పాట్ వాయిస్, పాల్వంచ: భ‌ద్రాద్రి కొత్తగూడెం జిల్లా పాల్వంచ‌లో గురువారం భూమి కంపించింది. మ‌ధ్యాహ్నం 2:13 గంట‌ల‌కు భూ ప్రకంప‌న‌లు సంభ‌వించాయి. దీంతో జ‌నాలు భయంతో బ‌య‌ట‌కు ప‌రుగులు తీశారు. ఇంట్లోని వస్తువులు వాటంతట అవే కిందపడినట్లు స్థానికులు చెబుతున్నారు. ఒక్కసారిగా భూమి కంపించ‌డంతో స్థానికులు తీవ్ర భ‌యాందోళ‌న‌ల‌కు గుర‌య్యారు. ఎలాంటి ప్రాణ‌, ఆస్తి న‌ష్టం జ‌ర‌గ‌లేదు. భూ ప్రకంపనల నేపథ్యంలో ప్రజలు అప్రమత్తంగా ఉండాలని అధికారులు సూచిస్తున్నారు.