ఎంత పని చేశావే కుక్క..

రూ. 1.50 లక్షలు ఎత్తుకెళ్లిన శునకం
నర్సంపేట డివిజన్ లో ఘటన
స్పాట్ వాయిస్, నర్సంపేట: కుక్క ఎంత పని చేసింది. ప్రేమగా సాదుకుంటే.. రూ.1.50 లక్షలు ఎత్తుకెళ్లింది. ఈ ఘటన వరంగల్ జిల్లా దుగ్గొండి మండలం నాచినపల్లి గ్రామంలో చోటు చేసుకుంది. గ్రామానికి చెందిన కాసు చేరాలు గొర్రెల కాపారి. ఆయన కుక్కను పెంచుకుంటున్నాడు. ఆయన సంపాదించుకున్న రూ.1.50 లక్షలను సంచిలో పెట్టుకొని నడుముకు కట్టుకున్నాడు. రెండు రోజుల క్రితం సాన్నానికి వెళ్లే సమయంలో సంచిని విప్పి మంచం మీద పెట్టాడ్డు. తిరిగి వచ్చే సరికి మంచం వద్ద ఉన్న పెంపుడు కుక్క లేక పోగా సంచి కన్పించలేదు. కుక్క కోసం వెతగ్గా, కొన్ని గంటల తర్వాత వచ్చింది. కుక్కనే సంచి ఎత్తుకెళ్లిందని రెండు రోజుల పాటు ఆరా తీశారు. అంతేకాదు ఎవరికైనా దొరికితే తనకు అప్పగించాలని బాధితుడు చేరాలు వాట్సాప్‌ గ్రూప్‌లో పోస్టు చేశారు. గ్రామంలో ఇల్లిల్లూ తిరిగి ఆరా తీశాడు. కుక్క ఎత్తుకెళ్లి ఎక్కడో పడేసిందంటూ లబోదిబోమంటున్నాడు.