గణేష్ ఉత్సవాల్లో డీజే నిషేధం

గణేష్ ఉత్సవాల్లో డీజే నిషేధం
గణపురం ఎస్సై అభినవ్
స్పాట్ వాయిస్, గణపురం: గణేష్ వేడుకల్లో డీజే సౌండ్‌ను నిషేధించామని, ఎవరైనా పోలీసుల కళ్లుగప్పి డీజేలను ఏర్పాటు చేస్తే ఉత్సవ కమిటీతో పాటు వాటిని అద్దెకిచ్చిన వారిపైనా కేసులు నమోదు చేస్తామని గణపురం ఎస్సై అభినవ్ హెచ్చరించారు. మండలంలో గణేష్ ఉత్సవాలు ప్రశాంత వాతావరణంలో జరిగేందుకు తగిన బందోబస్తు చర్యలు తీసుకుంటున్నామన్నారు. ఆదివారం స్థానిక పోలీస్ స్టేషన్ లో డీజే నిర్వాహకులతో పోలీసులు సమావేశం ఏర్పాటు చేశారు. ఈ సందర్భంగా ఎస్సై మాట్లాడుతూ.. మండపాల వద్ద ఎలాంటి అవాంఛనీయ ఘటనలు జరుగకుండా నిర్వాహకులే బాధ్యత తీసుకోవాలని సూచించారు. నిమజ్జనం రోజున కూడా ఎలాంటి ఘటనలు చోటు చేసుకోకుండా చూడాల్సిన బాధ్యత ఉత్సవ కమిటీలదేనని, వారు పోలీసులకు సహకరించాలని కోరారు.