Saturday, April 5, 2025
Homeక్రైమ్విషాదం.. అనుమానాస్పదస్థితిలో వ్యక్తి మృతి

విషాదం.. అనుమానాస్పదస్థితిలో వ్యక్తి మృతి

రోడ్డు ప్రమాదమేనా…?

స్పాట్ వాయిస్, కాటారం: 353సీ జాతీయ రహదారిపై మేడిపల్లి సమీపంలోని అటవీ ప్రాంతంలో శుక్రవారం జరిగిన రోడ్డు ప్రమాదంలో మండలంలోని గుమ్మల్లపళ్లికి చెందిన కంకణాల బాపురెడ్డి(62) మృతి చెందాడు. పోలీసులు, స్థానికులు తెలిపిన వివరాల ప్రకారం.. ఇటీవల సమీప బంధువు మృతి చెందగా పరామర్శించేందుకు బైక్ పై పరకాల వెళ్లి తిరుగు ప్రయాణం అయ్యాడు. మేడిపల్లి సమీపంలోని అటవీ ప్రాంతంలో రోడ్డు పక్కన కందకంలో బాపురెడ్డి పడి ఉండగా అటుగా వెళ్తున్న పలువురు గమనించి పోలీసులకు, 108అంబులెన్స్ కు సమాచారం అందించారు. దీంతో ఎస్సై శ్రీనివాస్ సిబ్బందితో కలిసి సంఘటన స్థలాన్ని పరిశీలించగా మృతి చెంది ఉన్నాడు. అతని వద్ద ఉన్న ఆధారాలతో అతడిని గుమ్మల్లపల్లికి చెందిన బాపురెడ్డిగా గుర్తించి కుటుంబ సభ్యులకు సమాచారం అందజేశారు. పోస్టుమార్టం నిమిత్తం ఆసుపత్రికి తరలించారు. అయితే బాపురెడ్డి అదుపుతప్పి ప్రమాదవశాత్తు మృతి చెందాడా లేక ఏదైనా వాహనం ఢీకొని మృతి చెందాడా అనే వివరాలు తెలియాల్సి ఉంది.

RELATED ARTICLES

Most Popular

Recent Comments