ఐపీఎస్ హోదా పొందిన క్రైమ్ డీసీపీ మురళీధర్
స్పాట్ వాయిస్, క్రైమ్: వరంగల్ పోలీస్ కమిషనరేట్లో క్రైమ్ డీసీపీగా బాధ్యతలు నిర్వహిస్తున్న దాసరి మురళీధర్ ఐపీఎస్. హోదా కల్పిస్తూ కేంద్ర ప్రభుత్వం సోమవారం ఉత్తర్వులు జారీచేసింది. రాష్ట్రంలోని ముగ్గురు డీసీపీ స్థాయి. అధికారులకు కేంద్ర ప్రభుత్వం ఐపీఎస్ హోదా కల్పిస్తూ జి.ఓ జారీచేసింది. ఐపిఎస్ హోదా పొందిన డీసీపీ దాసరి మురళీధర్ 2010లో డీ ఎస్పీగా ఉద్యోగాన్ని సాధించింది శిక్షణ అనంతరం తొలిసారిగా ఉమ్మడి ఆంధ్రప్రదేశ్లోని ఒంగోలు జిల్లా మార్కాపురం సబ్-డివిజినల్ పోలీస్ అధికారిగా తన పోలీస్ ప్రస్థాన్నాని ప్రారంభించారు. మురళీధర్ కృష్ణజిల్లా గుడివాడ, వరంగల్ నర్సంపేట, సీఐడీ విభాగంలో డీఎస్పీగా విధులు నిర్వహించారు. 2017లో అడిషినల్ ఎస్పీగా పదోన్నతి పొంది ఖమ్మం జిల్లా అదనపు ఎస్పీగా, వరంగల్ పోలీస్ కమిషనరేట్లో ట్రాఫిక్ అదనపు డీసీపీగా పనిచేసారు. 2021లో డీసీపీ గా పదోన్నతి పొందారు. హైదరాబాద్ లో విధులు నిర్వహించారు. ప్రస్తుతం వరంగల్ కమిషనరేట్లో క్రైమ్ డిసిపిగా విధులు నిర్వహిస్తున్నారు.
శుభాకాంక్షల వెల్లువ
ఐ పీ ఎ స్ హోదా పొందిన మురళీధర్ కు వరంగల్ పోలీస్ కమిషనర్ ఏ.వి. రంగనాథ్ తో పాటు డీసీపీ లు రవీందర్, యం. ఏ బారి, సీతారాంతో పాటు ఇతర పోలీస్ ఉన్నతాధికారులు, పోలీస్ సిబ్బంది అభినందనలు తెలిపారు.
Recent Comments