పాకాలను పరిశీలించిన ఈస్ట్ జోన్ ఇంచార్జ్ డీసీపీ

స్పాట్ వాయిస్, నర్సంపేట (ఖానాపురం): మండలంలోని ప్రసిద్ధ పాకాల సరస్సు గురువారం నుంచి మత్తడి పడుతుంది.ఎడతెరిపిలేని వర్షాలతో చాలా చెరువులు ప్రమాదపుటంచుకు చేరుకున్నాయి. ఈ క్రమంలో ఈస్ట్ జోన్ ఇంచార్జ్ డీసీపీ మురళీధర్ గురువారం పాకాల సరస్సును సందర్శించారు.పాకాల సరస్సు మత్తడి పడే ప్రాంతం, కరకట్ట చెరువు పరిసరాలను పరిశీలించి తీసుకోవాల్సిన జాగ్రత్తలపై స్థానిక పోలీస్ అధికారులకు సూచనలు చేశారు. ఈ కార్యక్రమంలో నర్సంపేట ఏసీపీ తిరుమల్, దుగ్గొండి సీఐ సూర్యప్రసాద్, నర్సంపేట సీఐ పులి రమేష్ గౌడ్, ఖానాపురం ఎస్సై , పోలీస్ సిబ్బంది పాల్గొన్నారు.