ఉరేసుకుని నర్సింగ్ విద్యార్థి ఆత్మహత్య
స్పాట్ వాయిస్ , నర్సంపేట టౌన్ : ఉరేసుకుని ఓ నర్సింగ్ విద్యార్థి మృతి చెందాడు. వివరాల్లోకి వెళితే.. జగిత్యాల జిల్లా మెట్టుపల్లి మండలం వెల్లుల్లా గ్రామానికి చెందిన జోగా ప్రణయ్ (21) లక్నెపల్లి గ్రామంలోని బాలాజీ నర్సింగ్ కళాశాలలో బీఎస్సీ నాలుగో సంవత్సరం చదువు తున్నాడు. కొద్ది నెలలుగాకళాశాల వసతి గృహంలో ఉంటూ చదువుకున్న ప్రణయ్ నెల క్రితం కళాశాల వసతి గృహం నుండి బయటికి వచ్చి నర్సంపేటలో అద్దె గదిలో ఉంటూ చదువుకుంటున్నారు. ఈ క్రమంలో శుక్రవారం సాయంత్రం కళాశాల వెళ్లి వచ్చిన అనంతరం తను నివాసం ఉండే గదిలో ఉరి వేసుకుని ఆత్మహత్య చేసుకున్నాడు. స్నేహితుడు ఎంతకు బయటికి రాకపోవడం గమనించి చూడగా ఉరేసుకుని ఉండటం గమనించి తలపులు బద్దలు కొట్టి కళాశాల కు చెందిన ఆసుపత్రికి తరలించగా అప్పటికే మృతి చెందినట్లు వైద్యులు నిర్దారించారు. మృతదేహన్ని మార్చురిలో భద్రపరిచారు. అయితే ఈ ఘటనకు సంబంధించి ఎలాంటి ఫిర్యాదు అందలేదని, అందితే మృతికి గల కారణాలపై కేసు నమోదు చేసుకొని దర్యాప్తు చేస్తామని ఎస్సై రవీందర్ తెలిపారు. ప్రణయ్ ఆత్మహత్య విషయాన్ని ఆయన తల్లిదండ్రులకు సమాచారం అందించామని, వారు వచ్చాక వివరాలు తెలియ చేస్తామని ఎస్సై తెలిపారు.
Recent Comments