ఓరుగల్లులో మావోయిస్టుల కలకలం

ఓరుగల్లులో మావోయిస్టుల కలకలం
హ‌న్మకొండ‌లో ఐదుగురి అరెస్ట్‌..?
వాట్సాప్ లో వైరల్ అవుతున్న ఫొటోలు
స్పాట్ వాయిస్, క్రైమ్ : వైద్యం కోసం పొరుగు రాష్ట్రం నుంచి హన్మకొండకు వస్తున్న మావోయిస్టులను  పోలీసులు అరెస్టు చేశారన్న విషయం కలకలం రేపుతోంది. విశ్వనీయ సమాచారం మేరకు వివరాలిలా ఉన్నాయి. ఛత్తీస్‌గ‌ఢ్ రాష్ట్రం భూపాల‌ప‌ట్నం నుంచి కొంతమంది మావోయిస్టులు ఓ జాతీయ పార్టీకి చెందిన నేత సహాయంతో ఆదివారం ట్రీట్ మెంట్ కోసం హ‌న్మకొండ‌కు వస్తున్నారు. అయితే నిఘా వర్గాల నుంచి పక్కా సమాచారం అందడంతో పోలీసులు అలర్ట్ అయ్యారు. ఈ క్రమంలో వరంగల్ కమిషనరేట్ పరిధిలోని పోలీసులు సిటీ అవుట్ కట్స్ లో కాపుకాసి వారు ప్రయాణిస్తున్న వాహనాన్ని చెక్ చేసి మావోయిస్టులను అదుపులోకి తీసుకున్నట్లు తెలుస్తోంది. అయితే అందుకు సంబంధించిన ఇద్దరు మహిళా మావోయిస్టులతో పాటు, ఓ పార్టీకి చెందిన నాయకుడిగా పేర్కొంటూ ముగ్గురి ఫొటోలు మాత్రం సోషల్ మీడియాలో వైరల్ అవుతున్నాయి. అయితే మావోయిస్టుల అరెస్టును మాత్రం పోలీసులు ఇంకా ధ్రువీక‌రించ‌లేదు. ఇందుకు సంబంధించిన పూర్తి వివ‌రాలు తెలియాల్సి ఉంది