ఆటోని ఢీ కొన్న ఆర్టీసీ బ‌స్సు
ఇద్ద‌రు మృతి, ప‌లువురికి గాయాలు
ఘ‌ట‌నా స్థ‌లానికి చేరుకుని క్ష‌త గాత్రుల‌ను వైద్య‌శాల‌కు పంపించిన మంత్రి ఎర్ర‌బెల్లి
స్పాట్ వాయిస్ , క్రైమ్: హ‌న్మ‌కొండ జిల్లా హ‌స‌న్ ప‌ర్తి మండ‌లం భావుపేట స‌మీపంలో ఘోర రోడ్డు ప్ర‌మాదం జ‌రిగింది. ఎదురెదురుగా వ‌స్తున్న ఆటో, ఆర్టీసీ బ‌స్సు ఢీ కొన్న ఘ‌ట‌న‌లో ఇద్ద‌రు అక్క‌డిక‌క్క‌డే మృతి చెందారు. మ‌రికొంద‌రు గాయ‌ప‌డ్డారు. క్షతగాత్రులను వెంట‌నే స‌మీపంలోని ఆస్పత్రికి తరలించారు. సరిగ్గా ఇదే స‌మ‌యంలో సిద్దిపేట‌లో మంత్రి హ‌రీశ్ రావుతో క‌లిసి మీడియాతో మాట్లాడి హ‌న్మ‌కొండ‌కు వ‌స్తున్న రాష్ట్ర పంచాయ‌తీరాజ్ మంత్రి ఎర్ర‌బెల్లి ద‌యాక‌ర్ రావు ఈ ఘ‌ట‌న‌ను చూసి చ‌లించి పోయారు. త‌న కాన్వాయ్ ని ఆపి, ఘ‌ట‌నా స్థ‌లంలో పోలీసుల‌తో, ప్ర‌త్య‌క్ష సాక్షుల‌తో మాట్లాడారు. జ‌రిగిన ఘ‌ట‌న‌పై ఆరా తీశారు. ఈ ప్ర‌మాదంపై విచార‌ణ చేప‌ట్టాల‌ని పోలీసు అధికారుల‌ను ఆదేశించారు. అలాగే క్ష‌త గాత్రుల‌కు మెరుగైన వైద్యం అందించాల‌ని వైద్యాధికారుల‌ను ఆదేశించారు. మృతుల కుటుంబాల‌తో మాట్లాడి త‌న ప్రగాఢ సంతాపాన్ని, సానుభూతి తెలిపారు.
Recent Comments