నర్సంపేటలో ఎండు గంజాయి స్వాధీనం
ఇద్దరు వ్యక్తుల అరెస్ట్
స్పాట్ వాయిస్, నర్సంపేట : ఎండు గంజాయి కలిగి ఉన్న ఇద్దరు వ్యక్తులను నర్సంపేట పోలీసులు శనివారం పట్టుకున్నారు. పట్టణ సీఐ పులి రమేష్ గౌడ్ తెలిపిన వివరాల ప్రకారం పట్టణంలోని మాదన్నపేట రోడ్డులోని మార్చురీ వద్ద గల స్మశాన వాటికలో ఇద్దరు వ్యక్తులు ప్రభుత్వ నిషేధిత గంజాయి ప్యాకెట్లు తయారు చేస్తున్నారని సమాచారం అందిందన్నారు. దీంతో ఎస్సై బొజ్జ రవీందర్ ఆధ్వర్యంలో పోలీసు అక్కడికి వెళ్లగా నర్సంపేట వల్లబ్ నగర్ కు చెందిన మహమ్మద్ మౌలానా, కరీంనగర్ జిల్లా, జమ్మికుంట కు చెందిన కందుల మణికంఠ అనే ఇద్దరు వ్యక్తులు గంజాయి ప్యాకింగ్ చేస్తుండగా అదుపులోకి తీసుకోవడం జరిగిందన్నారు. వారి వద్ద నుండి 3 కేజీల 200 గ్రాముల ప్రభుత్వ నిషేధిత ఎండు గంజాయి ఒక ద్విచక వాహనం రెండు సెల్ ఫోన్ లను స్వాధీనం చేసుకుని సీజ్ చేయడం జరిగిందన్నారు. స్వాధీనం చేసుకున్న గంజాయి విలువ రూ. 45,200/- ల వరకు ఉంటుందన్నారు. పట్టుబడిన ఇద్దరిపై కేసు నమోదు చేసి దర్యాప్తు చేస్తున్నట్లు సీఐ తెలిపారు.
Recent Comments