1000 మార్క్ దాటిన కరోనా..

 స్పాట్ వాయిస్ , హైదరాబాద్:  కరోనా మహమ్మారి మళ్లీ పంజా విసురుతోంది. జూన్ లో ఒక శాతానికి మించని పాజిటివిటీ రేట్… ఇప్పుడు దాదాపు మూడు శాతానికి చేరడం ఆందోళన కలిగిస్తోంది. జూలై చివరి వారం నుంచి వైరస్ విజృంభిస్తున్నది. మొదట కొన్ని జిల్లాలకే పరిమితమైన కేసులు ఇప్పుడు రాష్ట్రమంతటా వెలుగు చూస్తున్నాయి. తాజాగా రాష్ట్రంలో రోజువారీ కేసుల సంఖ్య వెయ్యి మార్క్‌ను దాటింది. గడిచిన 24 గంటల్లో 43,318 మందికి కొవిడ్‌ నిర్ధారణ పరీక్షలు చేయగా.. కొత్తగా 1,061 కేసులు నమోదయ్యాయి. ఈ మేరకు రాష్ట్ర వైద్యారోగ్యశాఖ బులెటిన్ విడుదల చేసింది. ప్రస్తుతం రాష్ట్రంలో 6,357 యాక్టివ్‌ కేసులు ఉన్నాయి. అత్యధికంగా హైదరాబాద్‌లో 401 కేసులు, రంగారెడ్డిలో 63, మేడ్చల్‌ మల్కాజిగిరిలో 56, నల్గొండ 51, రాజన్న సిరిసిల్ల 46, కరీంనగర్‌ 43 కేసులు వెలుగుచూశాయి.