ఒక్కరోజే 485 కరోనా కేసులు

రాష్ర్టంలో పెరుగుతున్న కొవిడ్ తీవ్రత
స్పాట్ వాయిస్, హైదరాబాద్: తెలంగాణలో గడిచిన 24 గంటల్లో కొత్తగా 485 కరోనా కేసులు నమోదయ్యాయి. 236 మంది బాధితులు కోలుకొని డిశ్చార్జ్ అయ్యారు. బుధవారం ఒక్క రోజే 27,130 మందికి కరోనా పరీక్షలు నిర్వహించినట్లు వైద్య, ఆరోగ్యశాఖ తెలిపింది. రాష్ట్రంలో మరణాల రేటు 0.51శాతం ఉందని, రికవరీ రేటు 98.93శాతం ఉందని వివరించింది. కొత్త కేసుల్లో అత్యధికంగా జీహెచ్‌ఎంసీ నుంచే 257, రంగారెడ్డిలో 48, మేడ్చల్‌ మల్కాజ్‌గిరి జిల్లాల్లో 37, ఖమ్మంలో 10 కొత్త కేసులు రికార్డయ్యాయి.