గొంతులో ఇరుక్కున్న మొక్కజొన్న గింజ..
మూడేళ్ల చిన్నారి మృతి
స్పాట్ వాయిస్, ఖమ్మం: మొక్కజొన్న గింజ గొంతులో ఆగడంతో మూడేళ్ల బాలిక మృతి చెందిన ఘటన భద్రాద్రి కొత్తగూడెం జిల్లాలో చోటుచేసుకుంది. ఈ విషాద ఘటన చుంచుపల్లి మండలం రాంపురo లో చోటు చేసుకుంది. గ్రామానికి చెందిన వెంకటకృష్ణ – అశ్విని దంపతుల మూడేళ్ల కూతురు బిందుశ్రీ మంగళవారం రాత్రి మొక్కజొన్న కంకులు తింది అయితే ఒక గింజ గుంతులో అడ్డుపడటంతో చిన్నారికి శ్వాస తీసుకోవడం ఇబ్బంది గా మారింది. గమనించిన తల్లిదండ్రులు వెంటనే కొత్తగూడెంలోని ఓ ప్రైవేట్ హాస్పిటల్ కి తీసుకెళ్లారు. పరిస్థితి విషమంగా ఉందని, ఖమ్మం, హైదరాబాద్ తరలించాలని అక్కడి డాక్టర్లు సూచించారు. కూలి పనులు చేసుకునే వెంకటకృష్ణ డబ్బుల కోసం తిరిగి తిరిగి హైదరాబాద్ తీసుకెళ్లేందుకు ప్రయత్నిస్తున్న క్రమంలో పాప ప్రాణం పోయింది
Recent Comments