కాంగ్రెస్ తొలి ఎంపీ అభ్యర్థి ప్రకటన

మహబూబ్‌నగర్‌ ఎంపీ క్యాండిడేట్ గా చల్లా వంశీచంద్‌ రెడ్డి
50 వేల మెజార్టీతో గెలిపించాలని శ్రేణలకు పిలుపు
స్పాట్ వాయిస్, బ్యూరో : త్వరలో జరిగే వచ్చే పార్లమెంటు ఎన్నికల నేపథ్యంలో సీఎం రేవంత్‌ రెడ్డి తొలి అభ్యర్థిని ప్రకటించారు. ఈ మేరకు నారాయణపేట జిల్లా కోస్గిలో బుధవారం నిర్వహించిన బహిరంగ సభలో టీపీసీసీ చీఫ్ ఈ మేరకు ప్రకటన చేశారు. వంశీచందర్ ను 50వేల మెజారిటీతో గెలిపించాలని ఈ సందర్భంగా సీఎం శ్రేణులకు పిలుపునిచ్చారు. కాగా, గత నవంబర్ లో జరిగిన అసెంబ్లీ ఎన్నికల్లో మహబూబ్‌ నగర్‌ పార్లమెంట్‌ పరిధిలోని ఏడు అసెంబ్లీ స్థానాలకు గాను.. అన్నింటినీ కాంగ్రెస్‌ పార్టీ కైవసం చేసుకుంది. ఈ నేపథ్యంలో పార్లమెంట్‌ స్థానాన్ని వంశీచందర్ రెడ్డి సునాయాసంగా దక్కించుకునే అవకాశాలు ఉన్నాయి. తెలంగాణలో సౌమ్యుడిగా మంచి పేరున్న వంశీచందర్ రెడ్డి పార్టీ అధినేతలు సోనియా, రాహుల్‌, ఖర్గేలతో కూడా మంచి సంబంధాలున్నాయి.