మరికాసేపట్లో వరంగల్‌కు సీఎం కేసీఆర్

జిల్లా నేతలకు భేటీ కానున్న సీఎం
స్పాట్ వాయిస్, హన్మకొండ: ముఖ్యమంత్రి కేసీఆర్ మ‌రికాసేప‌ట్లో వ‌రంగ‌ల్‌కు రానున్నాయి. ప్రగ‌తి భ‌వ‌న్ నుంచి రోడ్డుమార్గంలో కేసీఆర్ రానున్నారు. టీఆర్ఎస్ పార్టీ సీనియ‌ర్ నాయ‌కుడు కెప్టెన్ ల‌క్ష్మీకాంత‌రావు ఇంట్లో శనివారం రాత్రి బ‌స చేయనున్నారు. అలాగే జిల్లా నేత‌ల‌తో కేసీఆర్ భేటీ కానున్నారు. ప‌లు అంశాల‌పై చ‌ర్చించ‌నున్నారు. ఆదివారం ఉద‌యం వ‌రంగ‌ల్ ఆర్ట్స్ కాలేజీ గ్రౌండ్ నుంచి హెలికాప్టర్ ద్వారా గోదావ‌రి న‌ది ప‌రివాహ‌క ప్రాంతంలో వ‌ర‌ద ప‌రిస్థితిని ప‌రిశీలించ‌నున్నారు. సీఎం కేసీఆర్ ఏరియల్ సర్వే కడెం నుంచి భద్రాచలం వరకున్న గోదావరి పరివాహక ప్రాంతంలో కొనసాగనున్నది. ఈ సర్వేలో సీఎంతో పాటు ప్రభుత్వ ప్రధాన కార్యదర్శి పాల్గొననున్నారు.