చిట్టీ వ్యాపారి మోసానికి ఆగిన గుండె

చిట్టీ వ్యాపారి మోసానికి ఆగిన గుండె..
రూ.50 లక్షలు మోసపోయమంటున్న బాధితులు..
వ్యాపారి ఇంటి ఎదుట ఆందోళన

స్పాట్ వాయిస్, వరంగల్: చిట్టి వ్యాపారి మోసానికి.. ఓ గుండె ఆగిపోయింది. ఈ విషాద ఘటన లేబర్ కాలనీలో చోటుచేసుకుంది. వివరాల్లోకి వెళ్తే.. వారం రోజుల క్రితం వరంగల్‌ లేబర్‌ కాలనీ టీఆర్‌టీ కాలనీలో చిట్టీల నిర్వాహకుడు మూడెడ్ల వెంకటేశ్వర్లు సుమారు రూ.40 కోట్లకు ఐపీ పెట్టాడు. దీంతో సభ్యులంతా లబోదిబోమంటూ రోడ్డెక్కారు. అతడి మోసం పోలీసులు కేసు దర్యాప్తు చేస్తున్నారు. ఈ క్రమంలో.. అతడి వద్ద చిట్టి వేసిన సీఆర్పీఎఫ్ జవాన్ బాస్కుల శ్రీనివాస్ గుండె పోటుతో మృతి చెందాడు. శ్రీనివాస్ వెంకటేశ్వర్లు వద్ద రూ.50 లక్షల చిట్టీ వేశాడు. వ్యాపారి మోసం చేయడం తో ఆవేదన కు గురయ్యాడు. ఈ క్రమంలో గుండె పోటు వచ్చినట్లు కుటుంబ సభ్యులు తెలిపారు. బాధితులంతా వ్యాపారి ఇంటిముందు ధర్నాకు దిగారు.