భార్య చికెన్ వండలేదని భర్త ఆత్మహత్య..

భార్య చికెన్ వండలేదని భర్త ఆత్మహత్య..
స్పాట్ వాయిస్ , డెస్క్: భార్య చికెన్ వండలేదని భర్త ఆత్మహత్య చేసుకున్నాడు. మహబూబ్‌నగర్‌ జిల్లా కేతిరెడ్డిపల్లి చింతకుంట తండాకు చెందిన రతన్‌లాల్‌(32) రాధిక భార్యాభర్తలు. వీరికి ఇద్దరు కుమారులు, ఒక కూతురు. మూడేళ్ల క్రితం బతుకుదెరువు కోసం హైదరాబాద్​కు వచ్చారు. దుండిగల్‌లో అద్దెకు ఉంటున్నారు. రతన్​లాల్​ ఆటోడ్రైవర్‌గా పనిచేస్తూ కుటుంబాన్ని పోషిస్తున్నాడు. కాగా.. గత శుక్రవారం సాయంత్రం రతన్​లాల్​ మద్యం తాగి.. చికెన్​ తీసుకుని ఇంటికి వచ్చాడు. వెంటనే కోడికూర వండాలని భార్యను ఆదేశించాడు. భార్య నిరాకరించింది. దీంతో మత్తులో ఉన్న రతన్​లాల్​కు భార్యతో గొడవ పడ్డాడు. కోపంతో బయటకు వెళ్లిపోయి శనివారం తాను ఆత్మహత్య చేసుకుంటున్నట్టు మహబూబ్‌నగర్‌లో ఉన్న తల్లికి ఫోన్‌ చేశాడు. వెంటనే యాసిడ్‌ తాగేశాడు. బాధ భరించలేక ఇంటికొచ్చి​ యాసిడ్‌ తాగినట్టు కుటుంబసభ్యులకు తెలిపాడు. వెంటనే అతడిని ఆస్పత్రికి తీసుకెళ్లగా.. చికిత్స పొందుతూ సోమవారం అర్ధరాత్రి మృతి చెందాడు.