బాబ్బాబు.. చలాన్లు..

స్పాట్ వాయిస్, క్రైమ్​: ఆలోచించిన ఆశాభంగం త్వరపడండి బాబు.. త్వరపడండి.. మెగా డిస్కౌంట్ మేళా.. మార్చి 31 వరకు మాత్రమే. మీ వాహనాలపై ఉన్న పెండింగ్ చలాన్లను గడువులోగా చెల్లించుకోండి.. భారీ మొత్తంలో రాయితీ పొందండి.. అంటూ వరంగల్ కమిషనరేట్ పోలీసులు శుక్రవారం పోస్టర్లను రిలీజ్ చేశారు. సోషల్ మీడియా వేదికగా ప్రచారం చేస్తున్నారు. ట్రాఫిక్ నిబంధనలు పాటించని వాహనాదారులకు పోలీసులు ఆన్ లైన్ లో చలాన్లు విధించారు. వాటిని చెల్లించకపోవడంతో భారీగా బకాయిలు పేరుకుపోయాయి. వాహనదారుల నుంచి పెద్దగా స్పందన లేకపోవడంతో వసూళ్ల కోసం పోలీసులు మెగా డిస్కౌంట్ ఆఫర్ పెట్టారు. ద్విచక్ర వాహనాలు, ఆటోలకు 75 శాతం, కారు, భారీ వాహనాలపై 50 శాతం, ఆర్టీసీ వాహనాలపై 70శాతం రాయితీ ఇచ్చారు. దీనిని వాహనదారులు వినియోగించుకుంటున్నారని అధికారులు చెబుతున్నారు..