ఘనంగా విశ్వకర్మ జయంతి వేడుకలు

స్పాట్ వాయిస్, గణపురం: మండల కేంద్రంలో విశ్వబ్రాహ్మణ సంఘం ఆధ్వర్యంలో ఆదివారం విశ్వకర్మ జయంతిని ఘనంగా నిర్వహించారు. స్థానిక సాయిబాబా ఆలయం ప్రాంగణంలో ఏర్పాటు చేసిన విశ్వకర్మ భగవాన్‌కు పూజలు చేశారు. ఈ సందర్భంగా మండల అధ్యక్షుడు తంగెళ్లపెల్లి చక్రధరాచారి మాట్లాడుతూ.. విరాట్‌ విశ్వకర్మను ఆదర్శంగా తీసుకుని ప్రతీ ఒక్కరు సన్మార్గంలో నడిచి ఐక్యంగా ఉండాలన్నారు. ఈ కార్యక్రమంలో కార్యదర్శి శ్రీరామోజు రాము, ముప్పిడోజు బ్రహ్మచారి, కోశాధికారి కొత్తకట్టు ప్రణీత్, సంఘ సభ్యులు, తదితరులు ఉన్నారు.