ఒక్క సీసీ కెమెరా 100 మంది పోలీసులతో సమానం

 శాంతినగర్ లో  సీసీ కెమెరాలపై అవగాహన
ఎస్సై రామకృష్ణ

స్పాట్ వాయిస్, భూపాలపల్లి టౌన్ : భూపాలపల్లి జిల్లా కేంద్రంలోని స్థానిక శాంతి నగర్ లో బుధవారం రాత్రి ఎస్సై రామకృష్ణ ఆధ్వర్యంలో కాలనీవాసులకు సీసి కెమెరాలపై అవగాహన కార్యక్రమం నిర్వహించారు. ఈ సందర్భమంగా ఎస్సై రామకృష్ణ మాట్లాడుతూ.. సీసీ కెమెరాల ఏర్పాటుతో దొంగతనాలు తగ్గి నేరాలు తగ్గుముఖం పడుతాయని అన్నారు. ఒక్క సీసీ కెమెరా 100 మంది పోలీసులతో సమానమని అన్నారు. ఈ సందర్భంగా సీసీ కెమెరాల ప్రాధాన్యతను గ్రహించిన కాలనీవాసులు 4 సీసీ కెమెరాల ఏర్పాటుకు ముందుకు రావడంతో ఎస్సై రామకృష్ణ వారిని అభినందించారు. ఈ కార్యక్రమంలో కానిస్టేబుళ్లం మహేష్ యాదవ్, రాజశేఖర్, వెంకటేష్, కాలనీవాసులు ఆంధ్రజ్యోతి సమ్మన్న, ప్రభు, రాధాకృష్ణ తదితరులు పాల్గొన్నారు.