అర్ధరాత్రి బస్సు దగ్ధం..
మహిళ సజీవదహనo
స్పాట్ వాయిస్, బ్యూరో : జోగులాంబ గద్వాల జిల్లాలో శుక్రవారం అర్ధరాత్రి ఘోర రోడ్డు ప్రమాదం జరిగింది. హైదరాబాద్‌ నుంచి చిత్తూరు వెళుతున్న ఓ ప్రైవేట్‌ ట్రావెల్స్‌ బస్సు ఎర్రవల్లి చౌరస్తా వద్దకు రాగానే అదుపు తప్పి బోల్తా పడింది. దీంతో ఒక్కసారిగా బస్సుకు మంటలు చెలరేగాయి. ఈ ఘటనలో ఓ మహిళ సజీవదహనమైంది. మరో నలుగురు గాయపడ్డారు. ప్రమాద సమయంలో బస్సులో 40 నుంచి 50 మంది ప్రయాణిస్తున్నట్లుగా తెలుస్తోంది. అప్రమత్తమైన ప్రయాణికులు వివిధ మార్గాల ద్వారా బస్సులోంచి బయట పడ్డారు. కానీ ఓ మహిళ చెయ్యి ఇరుక్కుపోవడంతో బయటికి రాలేకపోయింది. ఆమెను బయటకు తీసుకొచ్చేందుకు ప్రయత్నించినా ఫలితం లేకపోయింది. మంటలు తీవ్రం కావడంతో మహిళ సజీవ దహమైంది. ఈ ప్రమాదంపై సమాచారం అందుకున్న అగ్నిమాపక శాఖ సిబ్బంది, పోలీసులు ఘటనా స్థలానికి చేరుకొని మంటలను ఆర్పివేశారు. బస్సు డ్రైవర్‌ నిద్రమత్తు వల్ల ఈ ఘటన జరిగినట్లు పోలీసులు ప్రాథమికంగా అంచనా వేస్తున్నారు.
Recent Comments