మల్లన్నగండిలో బీటెక్ విద్యార్థి మృతి..

కిట్స్ కాలేజీలో విషాదం..
స్పాట్ వాయిస్, క్రైం: జనగామ జిల్లాలో విషాదం నెలకొంది. స్టేషన్ ఘన్ పూర్ నియోజకవర్గం చిల్పూర్ మండలం గార్లగడ్డ తండాశివారు మల్లన్నగండి రిజర్వాయర్ లోకి ఈతకు వెళ్లిన బీటెక్ విద్యార్థి ప్రమాదవశాత్తు నీటిలో మునిగి మృతి చెందాడు. వివరాల్లోకి వెళ్తే.. దేవరుప్పుల మండలం ధర్మగడ్డతండాకు చెందిన శేఖర్ కిట్స్ లో బీటెక్ సెకండియర్ చదువుతున్నాడు. శనివారం తోటి మిత్రులతో కలిసి మల్లన్నగండి రిజర్వాయర్ కు ఈతకు వెళ్లారు. ఈ క్రమంలో రిజర్వాయర్ లో ప్రమాదవశాత్తు శేఖర్ నీట మునిగి చనిపోయాడు. విషయం తెలుసుకున్న పోలీసులు ఘటన స్థలానికి చేరుకొని మృతదేహాన్ని వెలిక్కితీశారు. చేతికి వచ్చిన కొడుకు మృతి చెందడంతో తల్లిదండ్రులు కన్నీరు మున్నీరుగా విలపిస్తున్నారు.