బీఆర్ఎస్ కు జడ్పీటీసీ పులి తిరుపతిరెడ్డి రాజీనామా 

బీఆర్ఎస్ కు జడ్పీటీసీ పులి తిరుపతిరెడ్డి రాజీనామా 

రేపు హైదరాబాదులో కాంగ్రెస్ పార్టీలో చేరిక 

స్పాట్ వాయిస్, టేకుమట్ల: టేకుమట్ల జడ్పిటిసి పులి తిరుపతిరెడ్డి బీఆర్ఎస్ పార్టీకి రాజీనామా చేసినట్లు తెలిపారు. ఈ సందర్భంగా ఆయన మాట్లాడుతూ.. నూతనంగా ఏర్పడిన టేకుమట్ల మండలం లో తొలి జడ్పిటిసిగా గెలిపించిన ప్రజల ఆశయాలకు అనుగుణంగా మండల అభివృద్ధి ధ్యేయంగా నిరంతరం పనిచేశానని, ప్రజల కష్టసుఖాల్లో పాలుపంచుకున్నానని కానీ ఇటీవల జరిగిన ఎన్నికల్లో ప్రజలు మార్పు కోరుకున్నారని అందులో భాగంగా కాంగ్రెస్ పార్టీని ప్రజల ఆదరించి అధిక మెజారిటీతో గెలిపించడం జరిగిందన్నారు. కావున నూతన టేకుమట్ల మండలం మరింత అభివృద్ధి చెందాలంటే అధికారంలో ఉన్న కాంగ్రెస్ పార్టీకి సాధ్యం కాబట్టి బీఆర్ఎస్ కు రాజీనామా చేసి కాంగ్రెస్ పార్టీలో సోమవారం హైదరాబాదులో మరికొంతమంది ప్రజాప్రతినిధులతో కలిసి కాంగ్రెస్ పార్టీలో చేరనున్నట్లు ఆయన తెలిపారు. ఇది వ్యక్తిగత స్వార్థం కోసం కాదని, మండల అభివృద్ధి జరగాలంటే ప్రభుత్వాన్ని పరిపాలించే పార్టీ తోనే సాధ్యమవుతుంది అనే ఉద్దేశంతో ఆలోచించి తీసుకున్న నిర్ణయం ఇది అని అన్నారు. తనను ఆదరించిన మండల ప్రజలు, బీఆర్ఎస్ నాయకుల తో ఉన్న సంబంధాలు మరువలేనివని సందర్భంగా వారికి కృతజ్ఞతలు తెలిపారు. కేవలం మండల అభివృద్ధి కోసమే పార్టీ మారుతున్నామని నిరంతరం ప్రజాసేవలో కొనసాగుతానని ఈ సందర్భంగా స్పష్టం చేశారు.ఆయనతోపాటు మండలంలోని బీఆర్ఎస్ మాజీ సర్పంచ్లు, ఎంపిటిసిలు బిఆర్ఎస్ నాయకులు కాంగ్రెస్ పార్టీలో రేపు హైదరాబాదులో చేరనున్నట్లు సమాచారం.