పెన్షన్ కోసం అన్నదమ్ముల గొడవ..

పెన్షన్ కోసం అన్నదమ్ముల గొడవ..
మధ్యలో వెళ్లిన బావ బలి..
స్పాట్ వాయిస్, జగిత్యాల: ఆవులు ఆవులు కొట్లాడి లేగ దూడ కాళ్లు ఇరగొట్టినట్లు.. అన్నదమ్ములు ఇద్దరు కొట్లాడుకొని బావను బలి తీసుకున్నారు. ఈ ఘోర ఘటన జ‌గిత్యాల‌ జిల్లాలోని విజ‌య‌పూరిలో చోటు చేసుకుంది. వివ‌రాల్లోకి వెళ్తే.. విజ‌య‌పూరికి చెందిన ఇద్దరు అన్నద‌మ్ముళ్లు హయత్, తాజ్ తల్లి వజీర్ కు నెలనెలా వృద్ధాప్య పింఛన్ తీసుకుంటోంది. ఈనెల ఆమె పెన్షన్ తీసుకోగా.. ఆ డబ్బులు (రూ.2వేలు) తనకు కావాలంటే తనకు కావాలంటూ అన్నదమ్ములు శుక్రవారం గొడ‌వ ప‌డ్డారు. వీరి గొడ‌వ‌ను ఆపేందుకు వారి బావ సయ్యద్ నయీమ్ ప్రయత్నించాడు. సోద‌రులిద్దరూ కొట్టుకుంటుండ‌గా, తోపులాటలో బావ కిందపడ్డాడు. ఈ క్రమంలో సయ్యద్ నయీమ్ త‌ల‌కు తీవ్ర గాయ‌మైంది. దీంతో బావ అక్కడిక‌క్కడే ప్రాణాలు కోల్పోయాడు. స‌మాచారం అందుకున్న పోలీసులు ఘ‌ట‌నాస్థలికి చేరుకుని ప‌రిస్థితిని స‌మీక్షించారు. మృత‌దేహాన్ని స్వాధీనం చేసుకొని కేసు న‌మోదు చేసుకున్నారు. మృతుడి నివాసంలో విషాదం నెల‌కొంది.