ఆటో పై విరిగిపడిన చెట్టు

గణపురంలో ఘటన… తప్పిన పెను ప్రమాదం
స్పాట్ వాయిస్, గణపురం: భారీ వేపచెట్టు కొమ్మ ఆగి ఉన్న ప్యాసింజర్ ఆటో పై విరిగిపడిన ఘటన జయశంకర్ భూపాలపల్లి జిల్లా గణపురం మండలంలో బుధవారం చోటు చేసుకుంది. వివరాల్లోకి వెళ్తే..గణపురం మండల కేంద్రంలోని చౌరస్తా, ధర్మారావుపేటకు వెళ్లే ప్యాసింజర్ ఆటోల అడ్డా.. ప్రాంతంలో భారీ వేప చెట్టుకొమ్మ ఒక్కసారిగా విరిగిపడింది. చెట్టు కొమ్మ విరిగిపడిన ప్రాంతంలో జనసంచారం ఎక్కువగా ఉంటుంది. ప్రమాద సమయంలో అదృష్టవశాత్తు చెట్టు కింద ఉన్న ఆటోలో ప్యాసింజర్లు కానీ జనం కానీ లేకపోవడంతో ఎలాంటి ప్రాణనష్టం జరగలేదు. అయితే ఆటో పాక్షికంగా దెబ్బతింది. దీంతో రాకపోకలకు అంతరాయం ఏర్పడింది. విషయం తెలుసుకున్న ఎస్సై అభినవ్, సర్పంచ్ నారగాని దేవేందర్ గౌడ్ ఘటనా స్థలానికి చేరుకొని పరిశీలించారు. పంచాయతీ సిబ్బందితో చెట్టు కొమ్మను తొలగించారు. చెట్టుకొమ్మలను తొలగించడంతో వాహన రాకపోకలు యథావిధిగా కొనసాగాయి.