ఘనంగా విశ్వాస్ ర్యాలీ
స్పాట్ వాయిస్ వర్ధన్నపేట: భారత ప్రధానమంత్రి నరేంద్రమోడీ ఎనిమిదేళ్ల పాలన సేవా సుపరిపాలన గరీబ్ కళ్యాణ్ కార్యక్రమంలో భాగంగా ఎస్సీ మోర్చా ఆధ్వర్యంలో హన్మకొండలోని అమరవీరుల స్తూపం నుంచి అంబేద్కర్ విగ్రహం వరకు బాబా సాహెబ్ డాక్టర్.బీఅర్.అంబేద్కర్ విశ్వాస్ ర్యాలీ నిర్వహించారు. ఈ కాగడాల ర్యాలీలో
మాజీ మంత్రి బాబుమోహన్ , మాజీ ఎమ్మెల్యే ,వరంగల్ జిల్లా అధ్యక్షుడు కొండేటి శ్రీధర్ ,హనుమకొండ జిల్లా అధ్యక్షురాలు రావు పద్మ పాల్గొన్నారు. ఈ సందర్భంగా వారు మాట్లాడుతూ.. ప్రధాని నరేంద్రమోడీ 8 ఏళ్ల పాలనలోని పథకాలు ప్రతీ అట్టడుగున వారికి చేరుతున్నాయన్నారు. అలాగే మోడీ 8ఏళ్ల పాలనలో ఆడబిడ్డ లు ఆనందంగా ఉన్నారన్నారు. మోడీ జనరంజకమైన పాలనకు నిదర్శనం అని,ఇలాంటి పాలనే మన తెలంగాణ రాష్ట్రంలో రావడానికి అహర్నిశలు ప్రతి కార్యకర్త పాటుపడాలన్నారు. ఈ కార్యక్రమంలో
ఎస్సీ మోర్చా రాష్ట్ర ఉపాధ్యక్షుడు , ఇన్ ఛార్జి బొట్ల శ్రీనివాస్, మాంకాళి జిల్లా ఇన్ చార్జ్ ఎస్సీ మోర్చా రాష్ట్ర కార్యవర్గ సభ్యుడు బన్న.ప్రభాకర్, బీజేపీ రాష్ట్ర, జిల్లా నాయకులు పాల్గొన్నారు.
Recent Comments