బిల్ట్ యంత్రాల చోరీ..

బిల్ట్ యంత్రాల చోరీ..
అమ్మకానికి తరలిస్తుండగా వాహనం బోల్తా..

స్పాట్ వాయిస్, ములుగు: రోడ్డు ప్రమాదం చోరీని బయట పెట్టింది. ములుగు జిల్లాలోని మంగపేట మండలం కమలాపురంలోని కాయిలాపడిన బిల్ట్ కర్మాగారంలోని యంత్రాలను దొంగ తనం చేశారు. గుట్టు చప్పుడు కాకుండా మంగళవారం అర్ధరాత్రి దొంగతనంగా మణుగూరుకు తరలిస్తున్నారు. ఈ క్రమంలో మండలంలోని తిమ్మంపేట క్రాస్ వద్ద యంత్రాలను తరలిస్తున్న బోలేరో బోల్తా పడింది.

వరుస చోరీలు…
బిల్ట్ కర్మాగారంలో గత సంవత్సర కాలంగా వరుస దొంగతనాలు జరుగుతూనే ఉన్నాయి. ఈ మధ్య కాలంలో దొంగతనం చేస్తూ , విలువైన యంత్రాలను తరలిస్తున్న వాహనాలను స్థానిక ప్రజల సహకారంతో కార్మికులు పట్టుకున్నారు. పోలీసులు కేసులు పెట్టినా చోరీలు మాత్రం అగడం లేదని కార్మికులు ఆవేదన వ్యక్తం చేస్తున్నారు.