భూపాలపల్లిలో కేంద్ర మంత్రి పర్యటన షురూ..

రామాలయంలో కిషన్ రెడ్డి పూజలు
ఘన స్వాగతం పలికిన బీజేపీ శ్రేణులు
స్పాట్ వాయిస్, రేగొండ: కేంద్ర మంత్రి కిషన్ రెడ్డి జయశంకర్ భూపాలపల్లి జిల్లా పర్యటన మొదలైంది. 9.30కు రేగొండకు చేరుకున్న ఆయన హుజూరాబాద్ ఎమ్మెల్యే ఈటల రాజేందర్, బీజేపీ రాష్ర్ట అధికార ప్రతినిధి చందుపట్ల కీర్తిరెడ్డితో కలిసి మండలంలోని రూపిరెడ్డిపల్లి రామాలయంలో ప్రత్యేక పూజలు చేశారు. కేంద్ర మంత్రి రాక సందర్భంగా ఆలయ అర్చకులు పూర్ణకుంభంతో స్వాగతం పలికారు. పూజల అనంతరం ఇటీవల మెరుగైన సేవలకు కేంద్ర అవార్డు అందుకున్న రేగొండ పీహెచ్‌సీని సందర్శించారు. వైద్యులతో మాట్లాడి.. సేవలు అడిగి తెలుసుకున్నారు. అక్కడి నేరుగా రామన్నగూడలోని పాండవులగుట్ట సందర్శించారు. కేంద్ర మంత్రి కిషన్ రెడ్డి, ఈటల రాజేందర్ కు బీజేపీ శ్రేణులు ఘన స్వాగతం పలికారు.