వాగు దాటుతూ వృద్ధుడి మృతి
రాఘవ రెడ్డి పేటలో విషాదo
స్పాట్ వాయిస్, టేకుమట్ల: జయశంకర్ భూపాలపల్లి జిల్లా టేకుమట్ల మండలంలోని రాఘవ రెడ్డి పేట గ్రామ శివారు చలి వాగు దాటుతూ బొ ల్లెపల్లి కొమురయ్య ( 65) అనే వృద్ధుడు ఆదివారం మృత్యువాత పడ్డాడు. పది రోజుల క్రితం కురిసిన భారీ వర్షాలకు రాఘవ రెడ్డి పేట, టేకుమట్ల మండల కేంద్రం మధ్య ఉన్న చలి వాగుపై నిర్మించిన బ్రిడ్జి కూలిపోగా రాఘవ రెడ్డి పేట నుంచి ఫ్యాన్ రిపేర్ కోసం కొమురయ్య టేకుమట్లకు వెళ్లేందుకు వాగు దాటుతున్న క్రమంలో నీట మునిగి గల్లంతయ్యాడు. గమనించిన మత్స్యకారులు, గ్రామస్తులు కొమురయ్య ఆచూకీ కోసం గాలించి మృతదేహాన్ని గుర్తించి బయటికి తీసుకు వచ్చారు. కొమురయ్య మృతితో రాఘవ రెడ్డి పేట గ్రామంలో విషాద ఛాయలు అమలుకున్నాయి. మృతుడికి భార్య వజ్రమ్మ, కుమారుడు ఉన్నారు. విషయం తెలుసుకున్న ఎస్ఐ సుధాకర్ సంఘటన స్థలానికి చేరుకొని దర్యాప్తు చేస్తున్నట్లు పోలీసులు తెలిపారు.
Recent Comments