శ్రమశక్తి అవార్డు అందుకున్న బస్కే దశరథం

శ్రమశక్తి అవార్డు అందుకున్న బస్కే దశరథం
స్పాట్ వాయిస్ , కాజీపేట: కాజీపేట మండలంలోని కడిపికొండ గ్రామానికి చెందిన బస్కే దశరథం ఆదివారం శ్రమ శక్తి అవార్డు అందుకున్నారు. హైదరాబాద్ లోని రవీంద్ర భారతిలో ప్రపంచ కార్మిక దినోత్సవం మే డే వేడుకలను రాష్ట్ర కార్మిక శాఖ ఆధ్వర్యంలో ఆదివారం ఘనంగా నిర్వహించారు. ఈ వేడుకల్లో భాగంగా ఎన్నో ఏళ్లుగా కార్మిక రంగంలో ఉంటూ కార్మికులకు సేవలు అందిస్తున్న వారిని గుర్తించి శ్రమ శక్తి అవార్డులకు నిర్వాహకులు ఎంపిక చేయగా భవన నిర్మాణ రంగం కార్మిక సంఘం రాష్ట్ర ఉపాధ్యక్షులు బస్కే దశరధంకు అవార్డు వరించింది. దీంతో ఆదివారం రవీంద్రభారతిలో కార్మిక శాఖ మంత్రి మల్లారెడ్డి, హోం శాఖ మంత్రి మహముద్ అలీ, ఎక్సైజ్ శాఖ మంత్రి తలసాని శ్రీనివాస్ చేతుల మీదుగా అవార్డును దశరథం అందుకున్నారు. ఈ సందర్భంగా ధశరథం మాట్లాడుతూ.. కార్మిక రంగంలో తాను చేసిన సేవలను గుర్తించి ప్రభుత్వం అందించే శ్రమశక్తి అవార్డుకు తనను ఎంపిక చేయడం సంతోషంగా ఉందని అన్నారు. నిత్యం కార్మికులకు అండగా ఉంటూ కార్మికుల సమస్యలపై మరింతగా పోరాడుతనని అన్నారు. అవార్డు రావడానికి సహకరించిన వరంగల్ ఎంపీ పసునూరి దయాకర్ కు ప్రత్యేక కృతజ్ఞతలు తెలిపారు.