దళితుల పక్షపాతి సీఎం కేసీఆర్
ఎమ్మెల్యే అరూరి
-దళితుల ఆర్థిక సాధికారతే లక్ష్యంగా దళిత బంధు పథకం..
స్పాట్ వాయిస్ హన్మకొండ రూరల్: దళితుల పక్షపాతి సీఎం కేసీఅర్ అని,దళితుల ఆర్థిక సాధికారతే లక్ష్యంగా దళిత బంధు పథకంను అమలు చేస్తున్న సీఎం కేసీఆర్ కి, టిఆర్ఎస్ పార్టీకి దళితులు అండగా నిలవాలని బీఆర్ఎస్ పార్టీ వరంగల్ జిల్లా అధ్యక్షులు, వర్దన్నపేట ఎమ్మెల్యే ఆరూరి రమేష్ అన్నారు.ఆదివారం హన్మకొండ హంటర్ రోడ్డు లోని ఎమ్మెల్యే క్యాంపు ఆఫీసులో దళిత బంధు పథకం ద్వారా మంజూరు అయిన ఐనవోలు మండలానికి చెందిన లబ్దిదారులకు 9 ట్రాక్టర్లను ఎమ్మెల్యే పంపిణీ చేశారు.ఈ సందర్భంగా ఆయన మాట్లాడుతూ..
దశబ్దాలుగా సామాజిక వివక్షకు, అణచివేతకు గురైన దళితులను ఆర్థిక సాధికారత, స్వావలంబన సాధించి సమాజంలో ఉన్నతంగా జీవించాలానే లక్ష్యంతో ముఖ్యమంత్రి కేసీఆర్ దళిత బందు పథకాన్ని ప్రతిష్టాత్మకంగా ప్రవేశపెట్టారని అన్నారు. దళిత బంధు పథకాన్ని సద్వినియోగం చేసుకొని లబ్దిదారులు ఆర్థికంగా స్థిరపడాలని సూచించారు. తాము ఉపాధి పొందటమే కాకుండా మరో నలుగురికి ఉపాధి కల్పించాలని తెలిపారు. దేశంలో ఎక్కడా లేని విధంగా దళితుల సంక్షేమం కోసం ప్రభుత్వం దళిత బంధు పథకాన్ని ప్రవేశపెట్టినట్లు తెలిపారు.ఈ కార్యక్రమంలో జిల్లా పరిషత్ వైస్ చైర్మన్ గజ్జెల్లి శ్రీరాములు, ఎంపీపీ మార్నెని మధుమతి రవీందర్ రావు, ఎస్సి కార్పొరేషన్ ఈడీ మాధవి, జడ్పీ కో- ఆప్షన్ సభ్యులు ఉస్మాన్ అలీ, మండల కో- ఆప్షన్ గుంశావాలి, సర్పంచ్ పిడుగు రజిత యాదవ్, పీఏసీఎస్ వైస్ చైర్మన్ చందర్ రావు, మండల పార్టీ అధ్యక్షుడు పోలేపల్లి శంకర్ రెడ్డి, పార్టీ అధికార ప్రతినిధి మిద్దెపాక రవీందర్, ఐనవోలు ఆలయ చైర్మన్ మజ్జిగ జైపాల్, మండల పార్టీ ప్రధాన కార్యదర్శి రాజశేఖర్, ఐనవోలు ఆలయ మాజీ చైర్మన్ మునిగాల సంపత్ కుమార్,నాయకులు, కార్యకర్తలు, తదితరులు పాల్గొన్నారు.
Recent Comments