పేకాట రాయుళ్లు అరెస్ట్

స్పాట్ వాయిస్, మల్హర్ (కాటారం): కాటారం మండలంలోని గంగారం గ్రామంలో పేకాట ఆడుతున్న ముగ్గురిని శుక్రవారం అరెస్టు చేసినట్లు ఎస్సై సుధాకర్ తెలిపారు. వివరాల్లోకి వెళ్తే.. గంగారం గ్రామ శివారులోని విలాసాగర్ అలుగు వాగులో పేకాట ఆడుతున్నట్లు కాటారం డీఎస్పీ బోనాల కిషన్ కు సమాచారం అందింది. ఈ మేరకు కాటారం సీఐ రంజిత్ కుమార్ కు వివరాలు వెల్లడించగా.. సీఐ ఆదేశాల మేరకు ఎస్సై సుధాకర్ సిబ్బందితో వెళ్లి పేకాట ఆడుతున్న వారిని అరెస్టు చేశారు. ముగ్గురిని అదుపులోకి తీసుకొని వారి నుంచి రూ.2700 సీజ్ చేసినట్లు చెప్పారు. మరో ఐదుగురు పరారీలో ఉన్నారని ఎస్సై తెలిపారు. మండలంలో ఎవరైనా అసాంఘిక,చట్ట వ్యతిరేక కార్యకలాపాలు పాల్పడితే కఠిన చర్యలు తీసుకుంటామని ఎస్సై హెచ్చరించారు.