గుట్కా, అంబర్ ప్యాకెట్ల పట్టివేత

స్పాట్ వాయిస్, నెక్కొండ : గుట్కా, అంబర్ పాకెట్లు తరలిస్తున్న ఇద్దరిని నెక్కొండ పోలీసులు మంగళవారం అరెస్ట్ చేశారు. ఎస్సై సీమా పర్వీన్ తెలిపిన వివరాల ప్రకారం… మండలంలోని బొల్లికొండలో పోలీసులు పెట్రోలింగ్ నిర్వహించారు. ఈ క్రమంలో గుండెంగ గ్రామానికి చెందిన భూక్య భిక్షపతి, గుగులోత్ శ్రీనివాస్ ద్విచక్రవాహనంపై అనుమానాస్పదంగా కనిపించారు. పోలీసులు వారిని అదుపులోకి తీసుకొని వారి వద్ద ఉన్న బ్యాగ్ ను తనిఖీ చేయగా సుమారు రూ. 32 వేల విలువైన అంబర్, గుట్కా ప్యాకెట్లు కనిపించాయి. దీంతో ద్విచక్ర వాహనాన్ని సీజ్ చేసి ఇద్దరిపై కేసు నమోదు చేసినట్లు ఎస్సై తెలిపారు.