అల్లు అర్జున్ కు మళ్లీ నోటీసులు..

మంగళవారం విచారణకు రావాలని ఆదేశం
స్పాట్ వాయిస్, బ్యూరో: సంధ్య థియేటర్​ తొక్కిసలాట ఘటనపై చిక్కడపల్లి పోలీసులు దర్యాప్తు ముమ్మరం చేశారు. ఈ కేసులో విచారణ కోసం A-11గా ఉన్న హీరో అల్లు అర్జున్​కు నోటీసులు పంపారు. మంగళవారం ఉదయం 11 గంటలకు విచారణకు హాజరు కావాలని నోటీసుల్లో పేర్కొన్నారు. అల్లు అర్జున్​కు తొక్కిసలాట ఘటనపై హైకోర్టు ఈనెల 30 వరకు బెయిల్ మంజూరు చేసింది. అయితే దర్యాప్తు చేసుకునేందుకు పోలీసులకు అనుమతి ఇచ్చింది. ఈ నేపథ్యంలోనే పోలీసులు నోటీసులు జారీ చేసినట్లు సమాచారం. నోటీసులపై అల్లు అర్జున్ తన లాయర్లతో చర్చించినట్లు తెలుస్తోంది.